Gintawag sang katapo sang Grupo Progreso nga peke ang neutrality ni Congressman Greg Gasataya nga karon indi na makit-an nga kaupod sang grupo.
Suno kay Mayor Evelio Leonardia klaro nga nagapakita na sang kolor si Gasataya amo nga iya man ginpahayag nga bukas ang GP sa pagtukod sang alyansa upod sa iban pa nga kandidato.
Si Gasataya ang mangin kasumpong nanday anay port manager kag consultant nga si Dan Atayde, anay campaign manager nga si Narciso San Miguel kag retired police colonel nga si Wilfredo David.
Ang kongresista ang nagpahayag nga magpabilin neutral bangud lunsay maninoy niya sa kasal si Leonardia kag anay congressman Albee Benitez nga amo naman ang ka-ngkwentro sang alkalde sa mayoralty elections.
Si Benitez ang nagpahayag naman nga bukas ang Asenso Bacolod para sa kongresista.
Si Gasataya ang wala anay naghatag sang pahayag may angut diri.