Dead on arrival sa ospital kagab-i ang 42 anyos nga si Salvador Regalado matapos tiruhon sang riding in tandem sa Purok Lamperong sa Barangay 2 sa Bacolod.
Naga tindog lang kag naga istorya sa mga naga istambay sa kilid sang dalan ang biktima suno sa pulis sang siya ang gin pondohan kag gintiro sang riding in tandem sang makapila ka beses sang backrider.
Nasalabat naman sang bala si Glomer Mampag nga nagatindog lang sa kilid. Siya ang may igu sang bala sa tiyan kag ginabulong karon sa ospital.
Si Regalado naman ang wala na matabangan sa ospital kag nakuhaan pa sang isa ka sachet sang suspected shabu sa iya nga bulsa.
Padayon ang imbestigasyon sang PNP sa insidente.