Alkalde sang Bacolod hugot nga nagapaandam sa publiko batuk sa posible pagsaka sa Covid-19 cases bisan pa naghalog na ang alert status sa siudad.
Kun tan-awon ang pagdagsa sang tawo, ilabi na sang mga magagmay nga kabataan sa mga mall kag bisan sa iban pa nga lugar sa Bacolod halos dako ang kinalain kun ikumparar sa naglliligad nga bulan nga mataas pa ang alert status sang siudad.
Humalin sang nagligad nga semana, may 29 naman ka barangay sa siudad ang wala na sang Covid-19 active cases.
Pero para kay Mayor Evelio Leonardia dapat gihapon maghalong ang publiko bangud indi pa ini ang tion para magbuya sa hugot nga pagpatuman sang mga minimum health protocol.
Bisan ginakalipay sang alkalde ang pagnubo sang Covid 19 cases kadungan sang pagpaidalom sa bacolod sa alert level 2, sa gihapon nagapaandam siya sa publiko angut sa paglaton sang virus.
Ini bangud man nga may mga pagsaka sang Covid-19 cases sa iban nga pungsod.