Mayor Albee Benitez nagpasalig nga aktohan ang reklamo sa illegal structure sa gibwangan sang Pahanocoy River nga ginareklamo sang pumuluyo.
Ginhangkat sang katapo sang Bacolod Anti-reclamation movement nga pauntaton ang pag-operate sang natukod nga fishport terminal sa ginbwangan sang Pahanocoy River bangud ini ang ginatudlo rason sang paglala sang problema sa baha lugar.
Sa public hearing nga ginpatigayon sang konseho nagsiling si Councilor Al Victor Espino nga siya mismo ang magapa bulldoze sang gina reklamo nga fishport kun mapamatud-an nga ini isa ka illegal structure.
Ang konseho ang natalana man nga mag recommend sang cease and desist order batuk sa fishport terminal nga ginapanag-iyahan sang negosyante nga si Andres Tacolod.
Nagpasalig naman si Mayor Benitez nga sa tion nga magwa na ang resulta sang ila pagpang usisa gilayon man niya nga aktuhan ang reklamo nga napalab-ot na sang mga barangay officials sang Barangay Sum-ag kag Pahanocoy.