Nagdangat na sa 92 ang nadakpan nga naglapas sa COMELEC Gun Ban sumugod sang ginpatuman ini sang election period.
Suno kay Police Major Mary Grace Socorro Borio, Spokesperson sang Police Regional Office 6, may pinakamadamo nga nadakpan sa Negros Occidental – 26.
Ginasundan ini sang Iloilo Province nga may 18.
Ang Iloilo City Police Office may 14 nga nadakpan kag tag 10 naman ang dakup sang Aklan Police Provincial Office kag Bacolod City Police Office.
May walo naman ka gun ban violators sa Capiz, apat sa Guimaras kag tig isa sa Antique kag Regional Mobile Force Batallion-6.