Maga tukod sang separado nga kasugtanan ang Bacolod LGU upod sa duha ka mga water supplier kag Baciwa-Primewater agud nga matigayon na nga masuguran ang construction, ilabi na ang mga pipeline para madugangan ang kinahanglan nga 20 million liter a day nga supply sang tubig sa siudad.
Gani kutob sa madasun nga semana ang ginhatag nga ultimatum sang alkalde sa mga natungdan.
Ini agud man mapadasig ang pag secure sang kinahanglanon nga mga requirements.
Sa ginpatawag nga water summit sang alkalde nakasugtan ang pagpatuman sang construction works para sa injection point 2 sa Bacolod Bulk Water Inc para sa dugang nga 15MLD.
Ang dugang nga 5MLD ang maga gikan sa spring water sa Barangay Alangilan.
Ini ang magalawig sa apat tubtob anum ka bulan antes sang ginapaabot nga 24/7 nga water supply sang mga kunsomedor.