Wala sang nakita nga problema si Mayor Albee Benitez sa luyag ni anay Mayor Evelio Leonardia nga magpatigayon sang manual counting kag tallying sa mga polling precincts.
Ini kun santo sa ginapatuman nga automated election sang Commission on Elections.
Ang anay alkalde paagi sa iya abogado ang nagpadala sang urgent request kay COMELEC Chairman George Garcia para sa amo nga lihok tungod sang gina alegar conflict of interest sa tunga sang Highdata Infra Corporation nga napili sang Bacolod LGU para sa P2.1 billion Public-Private Partnership (PPP) contract may kaangtanan sa ginatukod nga Bacolod Command Center kag digitalization program.
Ang Highdata ang subsidiary sang SMS Global Technologies Inc. nga service provider sang COMELEC sa 2025 overseas online voting suno sa kampo ni Leonardia.
Ginpahayag ni Barangay Singcang-Airport Punong Barangay Caesar Distrito nga spokesperson sang alkalde nga wala sang basehan kag patalang ang hinyo sang anay alkalde tungod lang na-award sa Highdata ang kontrata.
Iya ginklaro nga ang SMS Global ang para lamang sa Overseas Voting System sang Comelec para sa national candidate kag wala nalakip ang local elections.