Mayor Albee Benitez nagpatawag sang special meeting upod sa Regional Development Council agud mapabaskog ang security plan angut sa peace and order, disaster preparedness, food security kag iban pa.
Tuyo ni Mayor Benitez nga nagaserbe chairman sang Regional Development Council 6 nga ma-align ang Western Visayas sa National Security Council.
Gani plano niya nga matagaan atensyon sa ginpatawag nga special meeting upod sa katapo sang RDC sang Western Visayas nga matagaan atensyon ang bahin sa seguridad para sa peace and order, disaster preparedness pati na ang bahin sa food security.
Sa Bacolod ginduso sang alkalde nga hiwaton ang pagsinapol. Samtang, sa ginhiwat nga RDC 6 full quarter meeting ginpahayag sang alkalde nga nagaserbe bilang chairperson sang RDC 6 nga magapabilin sa Western Visayas ang bag-o tukod nga Negros Island Region.
Ang amo nga pagsinapol ang posible pinaka-ulihi na nga pag-preside sang alkalde bilang RDC chairperson.