May italana nga nga Officer-in-charge sa City Agriculture Office sa Bacolod kasunod sang suspension ni Atty. Goldwyn Nifras.
May napili na si Mayor Albee Benitez nga maga tal-os sa na suspend nga city agriculturist.
Si Nifras ang ginpaidalom sa 60-day preventive suspension sang ginpasakaan sang kaso nga grave misconduct may kaangtanan sa unauthorized rental fee sa ginapahulam nga traktora sang siudad.
Pero, indi anay luyag nga hingadlan ni Secretary to the Mayor Atty. Karol Joseph Chiu ang mangin officer in- harge sang City Agriculture Office nga may familiarity na sa pagpadalagan sang opisina.
Dugang ni Chiu nga kasubong sang prayoridad sang alkalde, ginalauman nga makahimo sang tikang ang magatal-os nga pamuno sang City Agriculture Office agud nga mapanubo ang transfer kag storage cost sa delivery sang mga utan sa merkado nga sarang man makapanubo sa presyo sang pagkaon.