Dismayado si Mayor Albee Benitez sang makita ang magutok kag mabudkay nga sitwasyon sang mga nagakuha financial assistance kag iban pa nga benefits sa ginpatigayon nga payout system sang DSWD sa BCC activity center kaina sang aga.
Para sa alkalde indi na dapat pabudlayan pa ang mga beneficiaries ilabi na mga senior citizen kag PWD nga aga pa nagalinya para lang makakuha sang benepisyo.
Gani iya iga-recommend kay DSWD Secretary Rex Gatchalian nga kun mahimo ipaagi na sa ATM cards ang payout.
Para sa alkalde dapat na nga mauntat ang dekada na nga sistema nga nagahatag kabudlayan sa mga nagapangayo sang bulig sa gobyerno.