Sa video nga gin post sang Cagayan Provincial Information Office, makita ang kakusog sang hangin kag mabunok nga ulan sa Disalag, Aurora mga las 8:10 kaina sang aga sa pag-landfall sang bagyo nga Nica sa amo nga lugar.
Ginpaidalom sa Tropical Cyclone Wind Signal no. 4 ang probinsya sa kabaskog sang hangin.
Sa Santiago City naman, nabatyagan man ang makusog nga hangin kag ulan dala ni Nica.
Ginapaabot nga maga amat-amat na huyang ang pwersa ni Nica samtang naga tabok sa kadutaan.
Bwas sa aga ukon sa hapon ginapaabot nga maga biya na sa Philippine Area of Responsibility ang bagyo nga Nica.
Pero may duha pa gid ka mga bagyo nga gina monitor ang PAGASA.
Ang isa mahimo magsulod na sa PAR antes pa man mag exit si Nica kag tawgon nga Ofel.
Ang isa yara sa east sang Guam kag gina paabot nga magsulod sa PAR antes mag weekend kag tawgon naman nga Pepito.