Suspendido na ang klase sa banwa sang Hinoba-an.
Ini ang gin anunsyo ni Mayor Daph Reliquias sini nga aga bangud sang maulanon nga panahon.
Mabunok nga ulan ang na eksperyensya ang banwa kaina sang aga.
Si Mayor Raymund Tongson sang Himamaylan City nag anunsyo naman nga wala sang klase sa bwas, July 17 sa tanan nga levels.
Ang banwa sang Binalbagan ang nag nagdeklarar nga wala man sang klase sa bwas kag sa Biyernes.
Sa weather update sang PAGASA, as of 2pm kaina, ang Bagyo nga Crising sa sulod sang Philippne area of Responsibility ang yara na sa 650 km east sang Virac Catanduanes.
Magluwas sa hangin nga dala sang bagyo balantayan suno sa PAGASA ang ulan nga dala naman sang Habagat.
Humalin subong nga adlaw tubtob bwas sa udto 50-100 mm sang ulan ang magabubo sang isla sang Negros.
Ang ini nga volume sang ulan mahimo magdala sang baha sa mga balahaon na nga daan nga lugar.
Pero sumugod bwas sa udto tubtob sa Biyernes naman nga adlaw, mahimo magdoble ang kadamulon sang ulan nga mabubo sa Negros Occidental.
Suno sa PAGASA, mahimo maglab-ot a 100-200mm nga ulan ang matupa sa Negros Occidental nga mahimo magresulta sa mas malala nga pagbaha.
Wala man sa alagyan sang bagyo ang Negros pero ang hangin nga Habagat ang nagadala sang ulan sa Visayas nga naga lakip sa Negros Island Region.