Nadugangan sang isa ang dengue related deaths sa Negros Occidental. Kadamuon sang kaso sang dengue nag dangat sa 601.
Sa datus sang Negros Occidental Provincial Health Office, humalin Enero tubtob Abril 25, apat na ang dengue related deaths.
601 ang dengue cases. Pero kun ipaanggid sa kasubong nga tion sang nagligad nga tuig 66.8 percent nga manubo ang kaso subong nga 2026.
Ang La Carlota City ang may pinaka madamo nga dengue cases nga gin-report – 59. Naga sunod naman ang Bago City nga may 56 kag San Carlos City nga may 51 cases.
May pinaka madamo nga apektado sang dengue cases ang yara sa 1 to 10 years old nga age group.
Wala naga untat ang panawagan sang PHO sa publiko nga ipabilin nga matinlo ang palibot.
Kun may paghilanat sang masobra sa duha ka adlaw, rashes, pag palanakit sang kalawasan mas maayo nga mga pakonsulta sa duktor.*
[sibwp_form id=1]