Lima ka tiglawas sang kada Barangay sa siudad sang Bacolod ang pagahatagan sang otoridad sang Environmental Management Bureau agud mag pangdakop sang mga nagahaboy sang basura sa mga indi designated areas.
Nagsugod kaina sang aga ang duha ka adlaw nga seminar-workshop kag re-orientation program sang Bacolod Environment and Natural Resources Office para sa hugot nga pagpatuman sang proper waste disposal sa 61 ka mga barangay sa siudad.
Ginpabutyag man sang mga punong barangay nga isa sa mga nakita nila nga rason kon ngaa may mga illegal dumping, amo ang inconsistent nga garbage collection.
Ginsiling ni Councilor Homer Bais, pamuno sang Committee on Environment, madugay na nga nagapaumod ang siudad sa mga illegal dumpers, kag sa karun kinahanglan na nga matapna ini.
Kun madakpan ang isa ka indibidwal nga nagahaboy sang basura sa mga lugar nga indi dumping areas, may otoridad na ang barangay nga maghatag sa ila sang multa ukon penalidad.
Magatakop buwas nga adlaw ang amo nga seminar kag pagahulaton nalang sang barangay ang accreditation gikan sa City Legal Office agud mangin legal ang ila pagpangdakop sa mga illegal dumpers.
Panawagan naman ni Bais sa publiko, mag buylog sa programa sang siudad kag ipabilin nga matinlo ang mga lugar nga indi dapat paghaboyan sang basura.*
[sibwp_form id=1]