Gin anunsyo sang Department of Energy-Oil Industry Management Bureau nga may pagsaka na naman sa bili sang produktong petrolyo sa masunod nga semana.
Suno kay DOE-OIMB assistant director Rodela Romero ang gasolina may pagsaka nga 95 centavos tubtob P1.40 kada litro, P1.50 tubtob P2.00 naman sa kada litro sang diesel ang isaka kag P1.30 tubtob P1.40 sa kada litro sang kerosene.
Suno sa DOE ang ginapaabot nga pagtaas sa presyo sang gatung ang resulta sang kasugtanan sang US kag China nga magpanubo sang reciprocal tariffs sa imported goods sa sulod sang 90 ka adlaw kag ang sanctions nga ginpatuman sang US sa kapin duha ka dosena ka mga kompanya nga nalakip sa oil trade sang Iran.