Maid-id ang monitoring sa karon sa bulkan Kanlaon. Padayon ang pagsaka sang magma palapit sa crater ukon sa baba sang bulkan suno sa PHIVOLCS.
Paathag ni Teresito Bacolcol, ang Director sang PHIVOLCS, ang manubo nga sulfur dioxide flux sa sini nga mga inadlaw, nga nagakasyuran nga mahimo may pagbara sa conduit ukon sa mga alagyan sa sulod sang bulkan, ang kadamuon sang volcanic earthquakes nga na record kag ang inflation sa slope sa eastern side sang bulkan, mga parameters nga ila gina tutukan kag ginahatagan sang konsiderasyon.
Sa ila nga modelling, suno kay Bacolcol, indi na maglab-ot pa sa lima ka kilometro ang magma gikan sa crater sang bulkan.
Pero, may tatlo ka scenario ang mahimo matabo.
Una mangin mahinay ang pagsaka sang magma kag kun maglab-ot man sa crater ini ang maga ilig lamang.
Kaangay sa natabo sadto sa Mayon.
Magamay lamang ang natuga nga kahalitan pero naglawig tubtob sa anum ka bulan.
Pero magapabilin sa Alert level 3 ang bulkan.
Ika duha amo nga mangin madasig ang pagsaka sang magma kag mag resulta sa explosive eruption kaangay sang pagbuga sang pyroclastic density current.
Makahalalit ang amo nga hitabo kag magasaka sa Alert level 4, iga extend tubtob sa 10 kilometers ang danger zone.
Pero mangin madasig ang amo nga hitabo.
Ikatlo suno kay Bacolcol maga untat ang pag giho sang magma ukon sa ulihi madula ang activity.
Sarang mapanubo ang alert level gikan sa 3 panaog sa 2.
“Less than 5km. Pero isa lang naman yun sa mga scenarios na tinitingnan natin. Based on our modelling, pwede din naman kasing hind yan tuloy-tuloy na umakyat. Either tumigil ang pag galaw, pansamantala and mababagal o eventually mawawala yung activity. Pero may magma naman talaga. Siya nga yung source ng sulfur dioxide natin. (pano pag may inflation sa whole side ng volcano?) kapag may inflation in all sides, ibig sabihin, tuloy-tuloy na talaga ang pag akyat ng magma”, suno kay Bacolcol.