Padayon ang pagsaka sang kaso sang Covid-19 sa probinsya.
Pila ka mga siudad sa Negros Occidental gina monitor bangud sang mga na-record nga Covid cases sini.
130 ang new covid-19 cases sa January 12 nga report sang Provincial Incident Management Team.
Pinaka madamo nga na report nga new cases sa amo nga datus ang Cadiz City – 21, Kabankalan – 16, Sagay – 12, Candoni – 11 kag Bago – 10.
Ang active cases sang Negros Occidental, sa January 12 nga report sang PIMT, 546.
Suno kay provincial administrator Rayfrando Diaz, namutikan ang pagsaka sang Covid cases sa pila ka mga siudad sa probinsya nga naga lakip sang Bago city, Cadiz City, Silay City kag bisan pa Kabankalan City.
Ini sila ang gina monitor. Karon nga bulan sang enero ginapaabot ang mga religious festivities kasubong sa Kabankalan kag Cadiz pero suno kay Diaz yara na sa gobernador ang pag-abiso bahin sa amo nga mga selebrasyon.
Sa pihak nga bahin, natalana na ang pag energize sang annex building sa ospital sa Cadiz City.
Nagakasayuran nga may 100 beds nga dugang.
Pwede ini magamit sa tion nga magsaka ang Covid cases admission suno kay Diaz.