Shadow

Sunog sa bodega sang upholstery shop nagdangat sa P5M

Gina hibalo pa tubtob karon sang Bureau of Fire Protection ang gin suguran sang kalayo nga nag luntad kahapon sa opisina kag bodega sang Carvy Upholstery Shop sa Villa Lucasan sa Barangay Mandalagan sa Bacolod City.

Suno kay Chief Inspector Rodel Legaspi, city fire marshall sang Bacolod, ila pa lang nahibaluan sa karon nga nag sugod ang kalayo sa ika duha nga panalgan kun sa diin may yara sang activity ang mga empleyado kag ginahibalo pa kun paano ang sugod ang kalayo.

Nag lab-ot naman sa 5.2 million pesos ang initial nga estimate sang BFP sa halit nga tuga sang kalayo. Kabahin sa mga nasunog suno kay legaspi amo ang mga tarpaulin, insulators, linoleom kag mga foam.

Samtang, isa man ka balay ang nasunog kagab-i sa Villa Cristina, Barangay Tangub. Duha ka panalgan ang old house nga nasunog suno sa BFP kag ginabulubanta 60,000 ang halit nga tuga sini. Wala man sang may nasamaran sa sunog.

Secured By miniOrangeSecured By miniOrange