Amat-amat na nga mabatyagan sang mga naga salig sa industriya sang blue swimming crab ang epekto sang pag ban sang Estados Unidos sa amo nga produkto gikan sa Pilipinas.
Luyag man ini nga ipadangat sang mga lokal nga opisyales sa presidente.
Suno kay Board Member Hope Marey Depasucat, nag untat na ang bulk nga pag bakal sang blue swimming crabs, gani ang mga manug kasag, lokal na nga baligyaanay ang saligan kasunod sang ginpatuman nga ban.
90 porsiento sa production sang pungsod nagakadto sa US market. Sa damlag privilege speech ni Depasucat sa Sangguniang Panlalawigan, iya ginsiling nga may 20 ka mga crab picking station sa probinsya, ginatos ka mga landing station, linibo ka mga crab fisher kag crab picker kag duha ka mga major processing and export plants.
Natalana sila nga mag sapol sa mga stakeholders, magluwas sa sitwasyon, talakayon ang mga tikang nga ipatuman. Nag pakig-angut naman sila sa Bureau of Fisheries and Aquatic Recources. Luyag man nila nga ipadangat ang sitwasyon sa kay Presidente Ferdinand Marcos Jr.
Suno kay Governor Eugenio Jose Lacson, gina paabot nila ang BFAR nga mag pa gwa sang protocols kag kun yara na maga sapol sila sa mga stakeholders. Kun kinhanglan gid, ipadangat nila ang sitwasyon sa presidente.
Gin patuman sang Estados Unidos ang ban sa blue swimming crabs bangud sang kapaslawan sang Pilipinas sa pag comply sa US regulation angut sa marine mammal conservation and fisheries monitoring requirements.*
[sibwp_form id=1]