Pila ka mga baligyaan sang bugas sa Burgos Public Market sa Bacolod ang wala nagasunod sa P50 nga price cap sa imported premium rice.
Ini suno kay Department of Agriculture Negros Island Region Director Jose Albert Barrogo base sa ila nga follow-up monitoring nga ginpatigayon sang Hwebes, June 11.
Suno kay Barrogo sa amo nga follow up monitoring, ang mga rice retailers sa Libertad kag Central Market ang nagasunod na sa P50 kada kilo nga price ceiling sa premium nga imported nga bugas nga damlag pa ginpatuman ni Presidente Ferdinand Marcos, Jr., paagi sa Executive Order.
Paathag ni Barrogo, naga adjust pa ang mga natungdan nga rice retailers sa Burgos bangud mahal man ang pag bakal nila sang ila na stocks. Naga panawagan man si Barrogo sa mga traders kag importers nga suportahan ang lihok sang gobyerno.
“Out of pila to ka stall nga gin pangkadtuan namon, most of them are non-compliant gid, because gina pakita man nila sa amon ang cost of delivery man sa ila, but pag replace na sang stocks nag adjust na ang supplier nila so they can follow na sang P50. Burgos lang gid ang damo non-compliant because of their old stock”, suno kay Barrogo.*
[sibwp_form id=1]