Las diyes kaina sang aga amo na sini nga dako ang tubig sa Minuluan Bridge sa Talisay City.
Gani ang mga residente sang Purok Riverside, Barangay Zone 8 ang amat amat na nga nag biya sa ila nga mga balay.
Ang traffic enforcer na si Mario Ubinque wala na lang anay nag duty, indi niya mabayaan ang iya pamilya kag mga pagkabutang.
Kalabanan sa ila anad na. Basta mabunok ang ulan naga pang himos na sila sang mga gamit nila.
Subong first time nila nga mag evacuate sa Semana Santa. Masami sa maulanon lang sila nga mga binulan gina baha.
Pero si Jocelyn Arquilos, first time mak experience sang amo sini nga tubig baha kay naga renta lang siya sang balay sa lugar. Naghilibiun siya sang kakulba.
May mga kandidato nga nag inabot kag nanagtag sang tinapay.
Sa Silay City naman… Wala pa man magdalom ang tubig sa pihak sang wala untat nga pag ulan pero masako ang rescue team sang siudad sa pag monitor sang kataason sang tubig suba.
Sa EB Magalona…ang ini nga katubuhan sa higad sang highway ang nalumsan na sang tubig baha.
Sa Victorias City…sa Barangay Four, ang ini nga mga residente nag binuligay para tuwangan ang videokehan nga gin salbar nila pagwa samtang naga damol ulan kag amat amat nga naga saka ang tubig.
Sa gwa sang eskwelahan may nahigtan pa nga idik nga gin safety sang tag iya.
Si kagawad Danilo Rizalde kag ang mga pumuluyo masako sa pag plastar sang sini nga lubid. Ini ang maga serbe nga uluyatan sang mga residente pagwa sa ila nga lugar kun mag saka na ang tubig baha.
Wala sang storm signal sa Negros pero ang bagyo nga Agaton ang naga dala sang mabunok nga ulan sa probinsya.