Ang Kabankalan City kag Ilog may suspension of classes.
Nag deklara man sang half day suspension ukon sang hapon na nag suspend sang klase ang Hinigaran kag Hinoba-an.
Suno kay Office of the Civil Defense Negros Island Region Director, Donato Sermeno, III may siyam naman ka LGU ang nag suspend sang klase sa Negros Oriental.
Sa advisory sang OCD base man sa gin pag gwa sang PAGASA may pila ka bahin sang Negros Island Region ang nalakip sa heavy rainfall warning sini nga adlaw bangud sang epekto sang Bagyo Jacinto kag Habagat.
Padayon man ang pag tutuk sang OCD sa information dissemination sa mga pumuluyo agudto malikawan ang ano man nga kahalitan dala sang malain nga panahon.
“Kun mahimo intensify naton ang information dissemination, especially sa mga amo ni nga panahon nga may mga weather disturbances kita. Ang mga identified nga areas nga prone sa flooding, prone sa landslide kinahanglan may signages dira. Ang mga LGUs naga provide signages. Para mangin aware ang pumuluyo”, suno kay Sermeno.