Nagpatigayon sang anti-smuggling police operation ang awtoridad matapos makabaton sang tip nga may yara sang gina-transport nga “smuggled” nga mga sigarilyo sa higad sang baybay sa Sitio Bagambang, Barangay Tiling sa banwa sang Cauayan, Lunes nga adlaw.
Gin-aresto sang mga operatiba sang Bacolod City Maritime Police Station, kaupod ang Intellectual Property Manila kag Bureau of Customs 6 ang duha ka mga persona nga ginkilala nga sanday alias “Jun-Jun” kag alias “Mar” matapos maaktuhan nga gina-transport ang mga kontrabando.
Narekober ang 11,450 ka mga reams sang nagkalain-lain nga klase sang sigarilyo kag duha ka mga panel vans.
Ginabulubanta nga naglab-ot sa P15.3M ang balor sang narekober sa operasyon.
Magapangatubang ang mga gindakup sang kaso may angut sa pagsupak sang Republic Act 10863 ukon ang Customs Modernization and Tariff Act.
[sibwp_form id=1]