Tungod sang sala nga meter reading sang National Grid Corporation of the Philippines ipatuman karon nga bulan ang power rate adjustment sang Central Negros Electric Cooperative ukon Ceneco.
Gani ang P15.47 per kilo watt hour nga residential rate mangin P15.69 na ukon may dugang nga P0.22 sentimos nga saka sa balayran sa kuryente.
Suno kay Engr. Norman Pollentes, corporate planning manager sang Ceneco, ang power rate increase ang epekto man sang increase sa generation, transmission kag systems loss charges kag nagapabilin nga wala sang dugang nga saka distribution charges.
Sa record sang Ceneco, halos double na ang ginsaka sa balayran sa kuryente humalin sang Enero.
Sa pagnubo naman sang presyo sang produkto petrolyo ginapaabot ni Pollentes nga amat amat man nga mag stabilize ang presyo sang balayran sa kuryente sa madasun nga binulan.