Shadow

Anti-Smoking Task Force magasugod sa pag libot sa establishments malapit sa mga eskwelahan sa madason nga semana

Sa Nobyembre na ang full implementation sang face to face classes. Gani tuyo sang katapo Bacolod Anti-Smoking Task Force nga suguran sa madasun nga sinemana ang inspection kag education campaign angut sa hugot nga pagpatuman sang smoking ban sa mga pampubliko nga lugar.

Suno kay Jonald Pamposa,action officer sang BASTF, tagaan nila sang atensyon ang iligal nga pagbaligya sang sigarilyo sa mga menor de edad amo nga magalibot man sila sa mga baligyaan nga malapit sa eskwelahan.

Sandig sa City Ordinance no. 641 pagamultahan indi lang ang mga nagapanigarilyo sa mga indi designated areas for smoking kundi pati man ang mga tagdumalahan sang commercial establishment nga naga tolerate sa mga customer nga manigarilyo sa indi designated areas.

Magluwas sang kooperasyon sang publiko, ginahaylo man sang task force ang katapo sang transport sector nga hugot man nga ipatuman ang pagdumili sa pagpanigarilyo sa mga pampubliko nga salakyan.

Secured By miniOrangeSecured By miniOrange