May lima ka mga lugar nga gina tanyag sa karon para patukuran sang Bacolod City General Hospital.
Ang ini nga mga lugar ang yara sa Vista Alegre, Felisa, Alijis-Pahanocoy, Bata kag ang isa ang wala pa mahingadlan kun sa diin.
Ini ang gin kumpirma ni Bacolod Congressman Greg Gasataya. Indi niya man mahingadlan ang tag-iya sang sini nga mga lugar nga gina tanyag kay wala sang permiso gikan sa mga tag-iya.
Dugang pa ni Gasataya nga si House Speaker Lord Allan Velasco ang nagpasalig nga maga hatag sang dugang nga pondo para sa construction sang Bacolod General Hospital.
Si Senador Juan Miguel Zubiri ang nag pasalig man sang 200 milyones pesos nga dugang nga pondo para diri.
Sanday Zubiri sa senate kag Gasataya si Kongreso ang mga author sang Republic Act 11564 ukon ang layi nga naga mando sang pagpatukod sang ospital sa Bacolod.