Beyond expectation ang mga nalab-ot nga kadalag-an sang Masskara Festival 2023 ilabi na bahin sa turismo kag negosyo.
Halin sa linibo nga mga tumalan-aw nga nagdagsa sa mga festival sites asta man sa nalab-ot nga income sang tuigan nga selebrasyon, makabig ni Kayte Matiling, ang presidente sang Bacolod Yuhum Foundation Incorporated nga beyond expectation ang mga nalab-ot nga kadalag-an sang Masskara Festival 2023.
Fully-booked man ang mga hotels sa siudad sa sulod sang tatlo ka semana nga kahiwatan.
Nagapati man si City Tourism Officer, Teresa Manalili nga dako man ang naganar sa bahin sang transportation halin sa byahe sa sea port kag airport.
Damlag pa ginsiling na ni Mayor Albee Benitez nga sa ikaduha pa lang nga semana naglapaw na sa P2.5B ang income halin sa hotel accomodation kag mga negosyo sa siudad.