Lunsay pabor sanday Senador Francis Tolentino kag Mark Villar sa tikang para sa pagbalik sang Negros Island Region.
Gani ila man ginpalab-ot ang suporta kun masuguran na hearing angut sa pag revive sang NIR sa senado.
Nangin kabahin sang 400 ka mga bisita sa Masskarade Ball 2023 sanday Tolentino kag Villar.
Kasubong man nga nagapalab-ot sang iya suporta para sa NIR si Senador Lito Lapid nga nangin kabahin sang mga bisita sa MassKara Festival 2023.
Nangin dinapit man nga bisita sa Arena and Streetdancing competition si Senador Ronald Dela Rosa nga nanawagan naman sa mga Bacolodnon nga padayunon ang pagsuporta sa pagpabaskog sang kampanya kontra iligal nga droga.