Nagalaum si Department of the Interior and Local Government Secretary Benjamin Abalos, Jr., nga mapabalik na sa Pilipinas si anay Congressman Arnolfo Teves Jr.
Ini ang kasunod sang madinalag-on nga operasyon batuk sa ginkakas sa pwesto nga alkalde nga si Alice Guo kag lider sang Kingdom of Jesus Christ nga si Pastor Apollo Quiboloy.
Suno kay Abalos, si Teves ang ika-tatlo sa listahan sang gobyerno nga makustodiya kag maga-atubang sa layi, matapos ang pila ka bulan nga pagpanago humalin ang ini ginpangalanan nga ‘mastermind’ sa pagpatay kay anay Negros Oriental Governor Roel Degamo.
Dugang pa niya, ginahimo sang pungsod ang tanan nga paagi para mabalik na sa Pilipinas ang anay mamalidha nga una na nga naka-house arrest sa Timor Leste.
Nagpagwa naman sang statement ang Timor Leste Government suno sa DOJ nga mabalik na sa Pilipinas si Teves pagkatapos sang Papal visit sa pungsod.