Muddy stream flow sa Ibid Creek sa Sitio Tamburong sa Biaknabato sa La Castellana ang gin-report.
Ginsiling ni John BF de Asis ang pamuno sang Municipal Disaster Risk Reduction Management Office sang La Castellana nga kasunod sang mabunok gikan sa naibabaw nga bahin, may pag daludo naman sang tubig ukon namutikan ang muddy stream flow sa Ibid Creek mga las 2 Lunes sang hapon.
Ini ang isa sa mga gina bantayan sa lugar bangud kun naga bubo ang ulan indi malikawaan nga may mga tion nga naga awas ang tubig gikan sa Ibid Creek nga naga apekto sa pamalay nga yara sa palibot.
Subong wala sang report nga pag baha.
Suno kay de Asis padayon ang heavy equipment sang probinsya sang Negros Occidental sa clearing operation sa Ibid Creek nga damlag pa nag tapan na bangud sang mga debris gikan sa naibabaw nga bahin, agudto malikawan ang pag-awas sang tubig.
Kun tig-ilinit ukon wala sang ulan, sa masami mala ukon wala sang may naga ilig nga tubig sa Ibid Creek suno kay de Asis.
“Nag occur naman ang muddy sream flow sa Ibid Creek, pero wala pa sang report nga may affected nga households ukon pumuluyo. Wherein nga may ongoing nga pag panghawan sang heavy equipment sa province,” suno kay de Asis.
[sibwp_form id=1]