Nagnubo na sa dos mil ang active COVID-19 cases karon sang Negros Occidental.
Sa record sang Provincial Incident Management Team as of April 25, 5pm, 1909 ang active COVID-19 cases sang probinsya.
Suno kay Gov. Eugenio Jose Lacson, kagab-i 122 ang na record nga recoveries sang Negros Occidental kag 22 ang bag o nga COVID-19 cases. Naga laum ang gobernador nga kun ang kasubong nga trend magapadayon maga nubo ang kaso sang COVID-19 cases sang probinsa sa gihapon ang panawagan sa publiko amo nga pagasundon ang minimum health protocol kag dapat nga mangin alerto.
Ang sadto anay mga LGU nga may tig 3 digit ang kadamuon sang active COVID-19 cases ang nag record naman sang pag nubo sa ila nga mga kaso.