Massive spraying sa katubuhan nga apektado sang fall army worms ang ginpatigayon kaina.
Suno kay 5th District Congressman Dino Yulo, upod ang mga pribado nga kumpanya, Office of the Provincial Agriculturist kag Sugar Regulatory Administration gin patuman ang spraying sa katubuhan sa Iling-Iling sa Cabadiangan sa Himamaylan, agudto nga indi na mag lapta pa ang fall army worms sa iban nga mga talamnan.
Nagalaum man sila nga tigayon pa maka recover ang mga tubo nga na apektuhan.
Sa report sang OPA, 3.2 hectares sang maisan kag 83.2 hectares sang katubuhan ang gin atake sang peste.
May 42 hecatares pa gid sang talamnan ang gin-report may suspected fall army worms incidence sa Isabela kag Binalbagan suno sa OPA.
Ginsiling naman ni Congressman Yulo nga padayon pa ang pag abot sang report sa ila sang pag pang atake man sang peste gikan sa iban nga barangay sang Himamaylan.
May iga verify man sila nga report nga pag pang atake sang peste sa maisan sa Quintin Remo sa Moises Padilla.
Suno kay Governor Eugenio Jose Lacson nagligad pa sila nga semana nakabaton sang report kag nagmando na siya sang pag patuman sang gilayon nga treatment para diri.