Gindul-ong na sa ila nga ulihi nga palahuwayan sang Sabado ang apat ka mag himata nga biktima sa natabo nga massacre sa Gardenville Subdisvision sa Barangay Tangub sang nag ligad nga semana sanday Jocelyn Espinosa Nombre, utod sini nga si Remedios Espinosa, hinablos nga si John Michael kag iya anum ka tuig nga bata.
Kadungan sang pag lubong sang mga biktima, ginhimo man sang suspek nga si Christian Tulot, hinablos ni Jocelyn, ang iya nga extrajudicial confession kun sa diin iya gin ako nga siya lang ang nangamut sa krimen.
Ginpahayag ni Tulot nga sang Abril 4, iya gin sukot si ang isa sa biktima nga si John Michael sang utang sini nga P35,000.
Gin alegar ni Tulot nga matapos sukton, gin hana siya labuon ni John Michael pero nakalikaw siya kag iya gin kuha ang espading kag gin labo labo ang biktima.
Sunod niya nga gin labo ang tiya nga si Jocelyn nga nag pangayo sang bulig. Iya man dason nga gin labo si Remedios kag gin suffocate ang anum ka tuig nga bata.
Ginahulat na lang karon sang PNP ang affidavit sang pamilya kasubong kag autopsy report sang mga bangkay para ila na nga ipasaka ang multiple murder nga kaso sa kay Tulot.
Yara man sa gihapon detained sa Polic Station 8 ang suspek bangud sang kaso may kaangtanan sa iligal nga droga.