Shadow

Bangud sang kutso-kutso, mag-amay ginpang patay

Bago PNP photo

Patay sa pag panglabo ang kagawad sa Barangay Ilijan nga si Manuel Suriaga kag iya anak nga si Rene samtang pilason naman ang iya hinablos nga Jonarie matapos sila gin pang labo sang ila man himata sa amo nga Barangay sa siudad sang Bago sang Biyernes.

Sa imbestigasyon sang Bago PNP, nag labay lang ang suspek nga si Eleodoro Suriaga Jr, sa balay sang iya tiyo nga si Manuel kag iya na batian nga siya ang gina libak sang kagawad nga iya ginhimuslan ang iya sini utod 20 ka tuig na ang nag ligad.

Ini ang nag tulod sa suspek para sulungon ang iya tiyo sa ila sini balay pagkasunod nga adlaw kag iya ginpang labo samtang yara pa ang umagad kag mga apo sang biktima. Sila ang nakapalagyo man kag wala ma tandog sang suspek.

Pero ang anak ni Manuel nga si Rene kag hinablos nga si Jonarie ang nakabati sang komosyon sa sulod sang balay gani sila ang nag padulong kag gin pang labo man ni Eleodoro.

Patay man sa pag panglabo si Rene samtang naka palagyo pa kag napilasan lang si Jonarie.

Naaresto na sang PNP ang suspek kag kaso nga double murder ang ipasaka batuk sa iya.

Leave a Reply

Your email address will not be published. Required fields are marked *

Secured By miniOrangeSecured By miniOrange