Subong kuntani ang ulihi nga adlaw sang mass vaccination sang siudad sang Bacolod sa SM City Bacolod para sa mga senior citizens kag may mga co-morbidities.
Pero temporaryo ini nga gin postpone sang siudad bangud humalin sang nagsugod ang ila pagpamakuna sang lunes wala nila ginpaabot ang tuman nga pagdagsa sang mga pumuluyo nga luyag magpabakuna.
Gani para masunod ang minimum health protocols kag mangin masulhay ang pagpadalagan sang vaccination kinahanglan nila nga bag-uhon ang ila proseso.
“We have to postpone kay tungod nga we have to review our logistics kay ti basi ginalantaw namon ang bakuna kay ka overwhelming bal-an sang response sang mga senior citizen naton, those with co-morbidities and health care workers so that’s why we have to regroup and also address our processes and systems sang aton vaccination,” suno kay Dr. Chris Sorongon, deputy for medical data and analysis, Bacolod EOC.
Ginsabat naman ni Sorongon sang Bacolod Emergency Operations center ang pila ka mga reklamo nga nagapasulod sila sang mga persona nga wala sa priority list.
Suno kay Sorongon, ginahatagan nila sang prayoridad nga mabakunahan ang mga damlag pa naka register na kag nahatagan sang schedule.
Ang mga walk-ins ang ginabutang nila sa quick substitution list para sarang sila mabakunahan kun may yara sang indi makaabot nga yara sa priority list.
“And those nga ara sa quick substitution list are the ones queueing at the end of the line so kung once maabutan sila sang cut off namon nga by lunch time nga tanan nga na textan wala pa kakadto ang iban so definitely we will get from the quick substitution list. Kay karon kun indi kita magbutang sang quick substitution list ang problema naton ma endanger ang aton vaccine potency and we have to maintain the cold chain.”
Mahimo nga padayunon ang mass vaccination sa sm city sa madason nga semana.
Naghinyo naman sang dugang nga bakuna si Bacolod Mayor Evelio Leonardia sa kay National Task Force for Covid-19 chief implementer Secretary Carlito Galvez, Jr. Sa tunga sang pagsaka sang mga kaso sa siudad sang nagligad nga bulan.