Covid 19 vaccination sa Bacolod ang liwat nga ginsugdan sa pag-inabot sang 10,000 ka dugang nga doses sang Sinovac. Kadungan sini ginalauman sang emergency operation center nga mapahagan-hagan ang liwat nga pagsaka sang Covid-19 cases.
Nagbalik sa mall para magpabakuna sang second dose sang Sinovac vaccine ang pila ka mga residente makaligad nga nabaton sang bacolod ang dugang nga 10,000 doses sang Sinovac vaccine sang Sabado.
Sa pihak nga linya sang Mega Vaccination Center sa SM, ginsugdan man sang mga naka-parehistro para sa vaccine ang pagpabakuna sang first dose.
May yara sang vaccination nga ginpatuman sa Ayala Mall.
Suno kay Dr. Chris Sorongon, deputy for medical data and analysis sang Bacolod Emergency Operations Center, may dugang nga siete mil ka doses sang sinovac ang maga-abot bwas.
Ini ang natalana gamiton para sa a1 hasta sa A3 nga category para sa priority list nalakip diri ang mga frontliners, senior citizens kag may mga co-morbidities.
May masobra sa 37,150 na ang nabakunahan sa Bacolod. Kadungan sang vaccination program kag pagpatuman sang panibag-o nga pagsulundan sa idalom sang ginpa-gwa nga executive order sang alkalde. Ginalauman sang pamunuan sang EOC nga mapahagan hagan ang liwat nga pagsaka sang Covid-19 cases sa siudad.
Samtang, sa bwas man maga-abot sa Bacolod-Silay Airport ang masobra dise sais mil ka doses sang sinovac para sa probinsya sang Negros Occidental.