Nadakpan ang driver sang pula nga Isuzu Elf drop side nga nagadiskarga sang gin-alegar smuggled cigarettes sa Sitio Utod, Barangay Hilamonan sa Kabankalan City, Lunes sang kaagahon.
Nakabaton sang tawag ang Kabankalan PNP halin sa concerned citizen nga may nagadiskarga sang mga kinarton nga sigarilyo sa lugar.
Pag-abot sang mga pulis, ila gindakop si alyas “Bazer”, 57-anyos, taga Santa Catalina sa Zamboanga City.
Ginabulubanta nagabalor P715,000 ang narekober nga 1,630 ka reams sang iligal nga sigarilyo.
Wala ang mga ini sang gina-require nga graphic health warnings, nga isa ka pagsupak sa Republic Act 10643 ukon ang Graphic Health Warnings Law.*
[sibwp_form id=1]