Tatlo ka mga ginakabig nga Children At Risk ang na-rescue sang Anti-Mendicancy Task Force sang Bacolod City Department of Social Services Development sa Alunan Avenue sa Barangay 39.
Naga edad 11, 13, kag 17 anyos ang mga ini.
Sandig sa report sang DSSD, taga Purok Neptune Barangay Singcang-Airport ang mga kabataan kag wala na ini naga-eskwela. Gina alegar nga singhot sila sang rugby.
Ginsiling sang Punong Barangay sang Singcang-Airport nga si Rosinie Distrito, makapila na ka beses nga ginasaway ang amo nga mga kabataan nga indi mag tenir sa dalan bangud delikado ini para sa ila.
Apesar sini, nagabalik sa gihapon ang mga bata bangud diri sila nagapangita sang kwarta bilang barker sa mga nagaparada nga mga salakyan.
Gilayon naman nga ginpatawag ang mga ginikanan sang mga kabataan kag ginhaylo ini sang Barangay nga ipa-enroll sa Alternative Learning System ang ila mga bata.
Pangabay man si Distrito sa ila, paintrahon nila ang mga bata sa mga aktibidad sa barangay agud indi na ini magbalik sa kilid sang dalan.
Nagpatigayon man sang counseling ang DSSD para sa mga ginikanan.
“Mapatawag sila nga kon may mga activities sa barangay nga mainvolve ang ila mga bata para malingaw bala, may ara other nga ulubrahon kag te kay minors sila, mabalik sila sa eskwela, ipabutang gid sila namon sa alternative learning system para magbalik sa pag-eskwela or regular classes para maka eskwela sila liwat”, suno kay Distrito.*
[sibwp_form id=1]