Arestado sang martes ang 26 anyos nga si Ferlene Joy Molate sa buybust operation sang Police Station 2 sa Purok Kagaykay Barangay 2.
Naka palagyo naman ang iya sini nga live in partner nga amo ang subject sang buybust kag ginakabig high value individual.
Nakuha sa buybust ang 340,000 pesos nga balor sang ginapatihan shabu sa mga suspek.
Samtang, gindakop man sang amo nga adlaw ang 32 anyos nga si Crisvie Jimena sa buybust operation naman sang Police Station 5 sa Barangay Taculing.
Nakuha kay Jimena nga ginakabig street level individual ang 272,000 pesos nga balor sang iligal nga droga.
Kaso nga pag lapas sang RA 9165 ang gin pasaka batuk sa mga gindakop pati na sa nakapalagyo nga suspetsado.