Sa simultaneous oath-taking, donning kag pinning ceremony kaina sang aga gin-promote ang 217 ka mga police personnel sang Bacolod City Police Office.
208 diri sa ila mga non-commissioned officers kag 9 ang commisioned officers.
Ginhambalan ni BCPO Director Police Colonel Joeresty Coronica ang bag-o promote nga mga police personnel nga kaupod ang dako nga responsibilidad sa ila promotion kag maayo nga performance ang ginapaabot gikan sa ila.
Ginpangunahan naman ni Negros Occidental Police Provincial Director Police Colonel Rainerio de Chavez ang seremonya kun sa diin na-promote naman ang 527 ka mga police personnel.
Ginalakipan ini sang 475 ka mga gikan sa nagkalain-lain nga national support units sang PNP, apat sa PNP Aviation Group, duha sa Anti-Kidnapping Group, anum sa Maritime Group, duha sa Criminal Investigation and Detection Group, kag 38 sa 604th kag 605th Regional Mobile Force Battalion VI.