Nakahanda na ang mga playing venues para sa nagkalain-lain nga mga kompetisyon sa Batang Pinoy 2026 sa Bacolod City nga natalana sa Disyembre 12 tubtob 18.
Ginapaabot nga malapit sa 36,000 ka mga athletes kag coaches gikan sa 207 ka mga Local Government Units ang magapadulong para sa kompetisyon.
Ang Mansilingan Activity Center ang mangin Headquarters sang Philippine Sports Commission para sa Batang Pinoy 2026.
Sang Miyerkules, isa ka coordination meeting ang ginpatigayon sang siudad kaupod ang Philippine Sports Commission kag nagkalain-lain nga ahensya. Isa sa mga prioridad sang siudad amo ang hugot nga pagbantay sa seguridad sang mga atleta.
Ginsiling ni Bacolod City Administrator, Atty. Mark Steven Mayo, nagtakop na ang application para sa Batang Pinoy kag indi na pwede pa nga makadugang sang atleta ang mga LGU.
Sini nga Nobyembre may patigayunon nga final screening ang PSC sa mga atleta, agud masiguro nga nakasulod sa qualifications kag eksakto ang mga requirements nga ila ginpasa antes magsugod ang kompetisyon.
Dugang ni Mayo, kumpleto naman ang 660 ka mga atleta kag 90 ka mga coaches nga mangin tiglawas sang Bacolod City para sa kompetisyon.
Ila pa sa karon ginalantaw kun ano ang posible nga mga benepisyo kag suporta nga mahatag sang LGU para sa mga Bacolodnon athletes.
[sibwp_form id=1]