Masobra na 30 ka mga barangay sa Bacolod ang na-assess kag natigayon na ang pag-turn-over sang mga government assets.
Humalin sang Oktubre 23 gin-amat amatan na sang Office of the City Accountant ang assessment kag inventory sa 61 tanan ka mga barangay dungan sa Barangay kag Sangguniang Kabataan elections.
Suno kay City Accountant Atty. Jeremae Ceriaco-Florentino, ginatinguhaan nila nga matapos ang pag-assess kag pag-turn-over sang government assets sa incoming barangay officials antes sang Nobyembre 15 nga gintalana deadline sang Department of the Interior and Local Government.
May masobra na sa 30 ka mga kabarangay ang natapos na sang Inventory kag Turn-over Team nga natukod upod sa DILG.
Pero indi malipod nga may mga newly-elected barangay officials ang naga-reklamo tungod madamo sa mga government assets ang missing.
Suno kay Florentino, sarang makapasaka sang kaso ang incoming barangay officials.
Si Mayor Albee Benitez ginatun-an man ang pag-file sang reklamo agud mapasabat ang mga barangay officials sa nagapabilin missing nga pagkabutang, nalakip diri mga salakyan kag iban pa nga equipment nga ginapanag-iyahan sang gobyerno.