Masobra sa 2,000 ang applicants para sa una nga adlaw sang registration sa probinsya.
Sa datus sang Commission on Elections – Negros Occidental, 2,086 ang applicants sa una nga adlaw.
Pinaka madamo ang siudad sang Bacolod nga naka accommodate sang 302 ka mga applicants.
Nagasunod naman ang siudad sang Victorias nga may 179 ka applicants kag Himamaylan nga may 145.
Suno kay Provincial Elections Supervisor, Ian Lee Ananoria, maayo ang nangin panugod kag nagalaum siya nga kuntani ini ang mag tayuyon.
Nagapadayon man ang Register Anywhere Program sa SM City, para sa yadtong luyag mag parehistro out of town kag yara sila sa Bacolod.
Samtang gintalana naman sang COMELEC ang Pebrero 23 bilang Registration Fair sa SM.
Ang mga luyag mag pa rehistro sa nagkalain-lain nga banwa kag siudad sang probinsya ang pwede makapadulong sa amo nga adlaw sa SM City bangud sarang sila nga ma accommodate.
Ini ang pagatambungan sang tanan man nga mga Elections Officers suno kay Ananoria.