2 ka gin-suspend nga OBO inspectors wala sang clearance magpatigayon inspeksyon sa kumboyahan sang negosyante nga gin-alegar ila ginkilkilan.
Wala na nag-report sa trabaho kaina ang duha ka mga nagserbe building inspectors nga na assign sa Bacolod City Office of the Building Official kasunod sang ginpatuman nga 60 day preventive suspension sa ginpasaka nga kaso angut sa gross misconduct batuk sa ila.
Ini ang may kaangtanan sa gin alegar pagpangilkil sa negosyante nga tag reklamo.
Suno kay OBO head, Engr. Isidro Sun, wala nag agi sa iya ang ginhimo nga inspection sang mga building inspectors.
Sa pagpang-usisa sang City Legal Office nag gwa nga nangayo sang P15,000 sa negosyante para mapadasig ang pagkuha niya sang clearances sa OBO para sa business permit application.
Suno kay City Legal Officer Atty. Romeo Carlos Ting, Jr., may CCTV video kag cellphone video ang tagreklamo sang aktwal nga pagbaton sang mga building inspectors sang P5000.