Nagdangat naman sa masobra duha ka libo ang active Covid-19 cases sang Negros Occidental.
Sang weekend, sunod-sunod nga three digit ang active cases sa probinsya kag sa sunod man nga tatlo ka adlaw may naga ka record nga napatay bandug sang Covid-19. Mas madamo ang na-record nga new cases ipaanggid sa recoveries nga gin-report.
Sa Hunyo trese nga report sang Provincial Incident Management Team, 2,019 ang active cases, ang mga nag positibo yara sa nagkalain lain nga facilities sang LGU kag probinsya.
Ang siudad sang himamaylan ang may pinakamadamo nga kaso – 186. May walo ka iban pa nga siudad ang may three digit active cases.
Damlag pa, nagsapol na ang gobernador sa mga alkalde sa probinsya kag ginkasugtan ang pagsira sang border sa Negros Oriental, kun sa diin essential travel lamang ang tugutuan bilang tikang nga matapna ang pagsaka pa gid sang Covid-19 cases.
Ginapaabot ang pag pa gwa sang gobernador sang executive order nga maga patuman sang uniformed nga guidelines nga nagalakip man sang pagpabilin sang below 18 sa ila tagsa ka mga panimalay kag pagsira sang mga resorts angut sa pagdumdom sang adlaw ni San Juan Bautista.