Gobernador sang Negros Oriental indi pabor sa total lockdown sa probinsya sa tunga sang pag saka sang kaso sang Covid-19
Ginpahayag ni Governor Roel Degamo nga indi masarangan sa karon sang provincial government sang Negros Oriental ang ipaidalom sa total lockdown ang probinsya, magluwas na lang nga may bulig nga ihatag ang national government.
Suno kay Degamo, unsustainable kag unaffordable ang pag paidalom sang Negros Oriental sa lockdown gani ang gina tan-aw nga solusyon sa karon sang probinsya amo ang pag patuman sang granular lockdown sa mga lugar nga may mataas nga kaso sang Covid-19.
Sa latest nga datos sang provincial IATF sang Negros Oriental, 1837 na tanan ang active cases sa probinsya kag kalabanan diri ang sa Dumaguete City.
Gin panawagan man sang gobernador ang alkalde kag IATF sang Dumaguete agud ma talakay ang tikang agud malikawan ang padayon nga pag saka sang Covid-19 sa siudad.