Masobra sa 178,000 ka mga botante sa Negros Occidental ang ginkakas sa listahan sang COMELEC.
Sa datus nga gin-release sang Commission on Elections-Negros Occidental as of April 15, 2024, 178,328 ang gin delist.
Masobra sa 174,000 diri mga ginkakas sa voter’s list bangud wala naka boto sa sunod-sunod nga duha ka eleksyon.
Iban nga rason sa pag kakas sa listahan amo bangud nga ang natungdan nga botante nagtaliwan na, pag saylo sang registration sa iban nga siudad ukon banwa, double entries kag pag apply sa Overseas Absentee Voting.
Sa bilog nga pungsod may mga 4.2 million ang ginkakas sa official list of voters suno sa COMELEC. Padayon ang paghaylo sa mga wala pa naka rehistro ukon na deactivate nga mag apply liwat. Suno kay Provincial Elections Supervisor Ian Lee Ananoria ang gina tutukan karon sang COMELEC amo ang satellite registration.
“Ang amon subong nga gina aim is as many satellite registrations as we can. Sa barangay damo nagahulat. Maka sipot supposed registrants”, suno kay Ananoria.