Ang Theoretical Driving Course ang isa sa mga requirements para makakuha sang student’s license ang isa ka persona kag yara sa P2,000 ang balayran para makasulod sa sini nga kurso.
154 ka mga residente sang banwa sang Candoni ang naka kuha sag sini nga kurso sang libre pinaagi sa bulig sang talapatan ni 6th District Representative Mercedes Alvarez kag sang Driver’s Education Center sang Land Transportation Office Negros Island Region.
Nagkadto mismo ang mga tiglawas sang LTO sa Candoni para didto ipatigayon ang duha ka adlaw nga driving course.
Ginahimo ini sang LTO para ma edukar ang mas madamo nga mga pumuluyo para sa responsable nga pag maneho, para sa road safety kag mapahapos mapalab-ot sa pumuluyo ang serbisyo sang gobyerno.
Masami may mga bungguanay nga nagakatabo sa dalanon bangud kulang sa ihibalo ang mga drayber ukon wala gid kaagi seminar kag wala man sang lisensya.*
[sibwp_form id=1]