Masobra sa 116,000 ang kabilugan nga nag apply sa voter’s registration para sa SK kag Barangay Elections.
Suno kay Provincial Elections Supervisor, Ian Lee Ananoria, humalin sang Hulyo 4 tubtob 23, 116,045 ang nag pa rehistro ilakip na ang sa Comelec-Bacolod kag natalana ang hearing sang Election Registration Board sa Agosto 1 kun sa diin talakayon sang Comelec ang ano man nga reklamo batuk sa mga registrants.
Suno kay Ananoria nangin mataas ang turn-out sang sa ila nga gina paabot.
Samtang, may lima ka mga lugar sa probinsya nga wala tigayon ubos na accommodate ang mga nagpila para mag pa rehistro sa katapusan nga adlaw sang voter’s registration.
Suno kay Ananoria nalab-utan sila las dose, sang tungang gab-I, kun sa diin automatic nga naga shut off ang ila nga voter registration machine bangud nga lain na ang petsa.