May 883 tanan ka mga police personnel ang italana sang Bacolod City Police Office para masiguro ang malinong nga adlaw sang pinili-ay sa Mayo.
Ginsiling ni BCPO Director Police Colonel Joeresty Coronica nga plano nila nga mag-deploy sang lima ka mga pulis sa tagsa ka mga polling centers nga sarang maka-coordinate sa katapo sang electoral board sa election day.
Nagapati si Coronica nga paagi sa presenya sang mga police personnel sarang mapaiway ang ano man nga posible konplikto nga magluntad sa gwa kag sulod sang mga voting centers sa siudad.
Sang sini nga hapon, Martes, ginpangunahan sang BCPO upod sa COMELEC ang covenant signing upod sa mga nagapapili nga kandidato sa siudad.
Nangin kabahin ini sang tikang para masiguro ang malimpyo kag malinong nga pinili-ay.